Әтиемә — Venera Shaydullina-Gimatdinova

Текст песни

[Куплет 1]
Котлы булсын әти, туган көнең!
Кояш сиңа көлеп карасын
Салмак кына искән таң җилләре
Чәчләреңне сыйпап тарасын.
Рәхмәт, әткәй, барысы өчен дә,
Без бәхетле синең яныңда.
Син һәрвакыт безгә ныклы терәк,
Тормыш ямьле тик син барында.

[Припев]
Аллаһ сиңа озын гомер,
Гомерле шатлык бирсен.
Кайгы-хәсрәтсез тормыш,
Бәхетле картлык бирсен!

[Куплет 2]
Борчуда да, шатлыкта да
Таянырлык терәгебез.
Бәйрәмеңдә саулык теләп,
Тибә безнең йөрәгебез.
Бәйрәмеңнең матур хәтирәсе
Күңелеңдә калсын уелып.
Тәбриклибез сине чын күңелдән,
Барыбыз да бергә җыелып.

[Припев]
Аллаһ сиңа озын гомер,
Гомерле шатлык бирсен.
Кайгы-хәсрәтсез тормыш,
Бәхетле картлык бирсен!

[Куплет 3]
Чәчләреңне, әти, чал басса да,
Күңелең көр, һаман яшь әле.
Җаның тыныч, тәнең таза булсын,
Кайгы-хәсрәт күрми яшә әле.
Әле һаман без дип яшисең син,
Күптән инде зурлар булсак та.
Аз булыр күк, әти, синең өчен,
Нинди изгелекләр кылсак та.

[Припев]
Аллаһ сиңа озын гомер,
Гомерле шатлык бирсен.
Кайгы-хәсрәтсез тормыш,
Бәхетле картлык бирсен!

[Финал]
Алгы көннәрдә дә бәхетебез
Булсын иде тулы, түгәрәк.
Синнән җылы алып һаман шулай
Гомер кичсәк иде бергәләп!
Күр син бездән бары игелекләр,
Борчу-мәшәкатьсез гомер ит.
Сулар һава, эчәр сулар кебек
Син бит безгә һәрчак кирәк бит!

Теләгебез бүген сиңа
Бары изгедән .
Надирдан,Ләйсәннан
Һәм Талиядән.