Топдилар 2 — Khikmatilla Gaipov

Текст песни

ТОПДИЛАР

Эл, етиб оҳим менинг, ғам тоғидан кон топдилар,
Сийратим рангин кўриб, Мажнунни ёлғон топдилар.

Мустаманд этган санам ҳаргиз ҳижолат чекмасун,
Ҳоки полиғдан кўнгил шавқини осмон топдилар.

Телба бўлмай найлаюрман, ой тўлиб боққан кечанг,
Тонг парий ҳайлин табиб руҳимда ғужғон топдилар.

Кечалар раҳм айлабон, маъзар юборсанг бошима,
Улфатимдур – итларинг бир коса ёвғон топдилар.

Раббано, дарбонларинг шаҳрингга йўл бергаймикин
Ким, жунун карвонига бандангни сарбон топдилар.

Сойира тун сайридан сўнг уйғотолмасман ўзим,
Руҳ кўзим айвонида зулфингни посбон топдилар.

Эй Муғанний, ёнмагил, эл ичра бордир яхшилар,
Телба бўлсанг ҳам ризо, бир яхши жонон топдилар...